Poet
vafa-shi.aron ne ki hain mohabbaten kya kya
hain un ke naam se yaaro rivayaten kya kya
ham ahl-e-dard jalate rahe saron ke charagh
hain shahr-e-shab men hamari hikayaten kya kya
ye iztirab ye naale ye sozish-e-paiham
hain un ki dekhiye ham par inayaten kya kya
suno ki aaj bhi hain zehn ke ajanta men
mire ‘nadim’ munaqqash vo suraten kya kya
tujhe bahar kahun gul kahun ki chand kahun
hain tere husn men pyare shabahaten kya kya
na chheḌ biite zamane ke saaz ai mutrib
hain us ki yaad se vabasta sohbaten kya kiya
ba-nam-e-sabza-ḳhatan mahvishan ḳhutut-o-payam
mire ḳhilaf vo laa.e shahadaten kya kya
Leave a Reply