Azhar Hashmi
vafa ḳhulus ka singar roz karti hai
yuun dhire dhire miri zindagi sanvarti hai
koi hayat zamane ko hai aziiz bahut
koi hayat hai ki roz roz marti hai
tire charagh ka fanus ḳhud hava hai aur
mire charagh se zalim hava guzarti hai
to phir vajud-e-imarat nazar ka hai dhoka
jab iinT iinT hi ta.amir se mukarti hai
dua ye kijiye yaron ki hosh men aa.uun
miri nigah mohabbat talash karti hai
na ḳhud ke rahta hai insan na dusron ke qarib
koi hasin shanasa.i jab bikharti hai
sitamgaron ko ibadat-guzar mat jaano
ḳhuda ki bandagi ‘az.har’ ḳhuda se Darti hai
Leave a Reply