vafa ke baab men kar-e-suḳhan tamam hua
chalo ki rishta-e-ruh-o-badan tamam hua
kitab-e-hijr-e-musalsal khuli hamare liye
ki bab-e-vasl sar-e-anjuman tamam hua
ajiib dhuup sar-e-sehn-e-tan utar aa.i
mizaj tursh hua bankpan tamam hua
basaraton ko sameTo bujha lo ankhon ko
bayan-e-karbal-e-sarv-o-saman tamam hua
rafu-gari ka hunar siikh to liya ‘azmi’
numud-e-fan men magar pairahan tamam hua
Leave a Reply