hava-e-sabz ka jhonka koi ghuncha khilata hai
ḳhizaon ka tilism-e-zard aḳhir TuuT jaata hai
gulon ke maḳhmalen anchal nami se bhiig jaate hain
kisi ki yaad men shab bhar falak aansu bahata hai
kisi be-mehr saa.at men tumhara muskura dena
shab-e-tarik men jaise sitara TimTimata hai
ta.aqub titliyon ka par uTha laana parindon ke
kisi jugnu ko anchal men chhupana yaad aata hai
dhuan uThta hai yadon ka sulagte dil ke pahlu se
kisi ki surmagin ankhon ka kajal phail jaata hai
Leave a Reply