jahan pe basna hai mujh ko ab vo jahan ijad ho raha hai
na.i zamin aur ik naya asman ijad ho raha hai
kisi gali men sara-e-fani ki tum ko ab ham nahin milenge
vo qarya-e-javedan men apna makan ijad ho raha hai
vo jald pahunchega tum talak tum sunani apni use sunana
bas ek lamha ruko mira tarjuman ijad ho raha hai
tum ik kinara ham ik kinara zamana ab-e-ravan ho jaise
ye fasla ab hamare hi darmiyan ijad ho raha hai
badan se mere vo puchhti hai batao ashiq kahan hai mera
dhaḌak ke dil ye javab deta hai jaan ijad ho raha hai
bahut chalaya gaya hai ham ko ḳhabar ho is tez dhuup ko ab
hamara dasht-e-tapan men ik sa.eban ijad ho raha hai
Leave a Reply