vafa kar ke us ka sila chahta huun
baḌa na-saza huun saza chahta huun
buton ko bara.e ḳhuda chahta huun
sar-e-ḳham dil-e-mubtala chahta huun
raha umr bhar chup main yuun un ke aage
ki jaise kuchh un se kaha chahta huun
sata.e bhi koi to paa.e dua.en
gada huun main sab ka bhala chahta huun
bhulata huun phir bhi vo yaad aa rahe hain
vahi chahte hain main kya chahta huun
Leave a Reply