utarne vaali dukhon ki barat se pahle
charagh baanT do basti men raat se pahle
yunhi milega na ab-e-hayat ka chashma
guzarna hoga lahu ki furat se pahle
bashar jo aaj hai tahzib-o-irtiqa ka amiin
faqat darinda tha irfan-e-zat se pahle
hami ne maut ki tardid men zaban kholi
hamin ne pyaar kiya hai hayat se pahle
vahan to baat bhi karna jihad karna hai
jahan pe honT siye jaa.en baat se pahle
na.i hayat ‘hazin’ fan ko de gaya ‘ghalib’
agarche mar gaya tha vo vafat se pahle
Leave a Reply