jo na mil baiTha ho phir us se shikayat kaisi
main akela hi chala huun to rifaqat kaisi
ḳhud to a.enge nahin aur bula.enge hamen
dekhiye aap ne Daali ye rivayat kaisi
main ne chaha to bahut TuuT ke chaha na gaya
yuun bhi TuuTi hai ka.i baar qayamat kaisi
tum ne jiine ka mujhe hausla baḳhsha hai to phir
mujh se rahte ho gurezan ye siyasat kaisi
jab bichhaḌna hi mohabbat ka taqaza Thahra
phir nigahon men miri jaan ye nadamat kaisi
Leave a Reply