Amjad Husain Hafiz Karnataki
dil men dhaḌkan lab men jumbish chahiye
zinda rahne ko ye varzish chahiye
aadmi hone ka dene ko subut
paanv men thoḌi si laghzish chahiye
baiThe baiThe qismaten banti nahin
azm mehnat aur koshish chahiye
imtizaj-e-aish-o-gham hai zindagi
laakh ḳhushiyan bhi hon ranjish chahiye
‘hafiz’ us ko justuju suraj ki hai
aur tumhen bhi ek mahvish chahiye
Leave a Reply