Sajid Sajni
us ne talab kiya mira dil is ada ke saath
iqrar main ne kar liya lekin haya ke saath
munh-band jab kali the to sehn-e-chaman men the
ḳhushbu bane to uḌ ga.e mauj-e-saba ke saath
shadi ko ek maah na guzra hui talaq
rang-e-vafa bhi uḌ gaya rang-e-hina ke saath
gar zid yahi hai saath men chandu bhi ja.egi
picnic men main na ja.ungi us be-haya ke saath
in se laḌa.i jhagḌe hon main faisla karun
kal saut ghar pe aa.i thi apni bua ke saath
‘sajni’ ko main ne dekha tha ik roz shaam ko
ban-Than ke phir rahi thi kisi ashna ke saath
Leave a Reply