chup-chap sulagta hai diya tum bhi to dekho
kis dard ko kahte hain vafa tum bhi to dekho
mahtab-ba-kaf raat kase dhund rahi hai
kuchh duur chalo aao zara tum bhi to dekho
kis tarah kinaron ko hai siine se lagae
thahre hue paani ki ada tum bhi to dekho
yadon ke saman-zar se aai hui khushbu
daman men chhupa laai hai kya tum bhi to dekho
kuchh raat gae roz jo aati hai faza se
har dil men hai ik zakhm chhupa tum bhi to dekho
har hanste hue phuul se rishta hai khizan ka
har dil men hai ik zakhm chhupa tum bhi to dekho
kyuun aane lagin saans men gahraiyan socho
kyuun tuut chale band-e-qaba tum bhi to dekho
Leave a Reply