Usne Puchha to Faqat Dard Ka Afsana Khula

us ne pūchhā to faqat dard kā afsāna khulā

kisī sūrat bhī na rāz-e-dil-e-dīvāna khulā

har nafas pā-e-junūñ ke liye zanjīr-e-girāñ

kū-ba-kū phirtā rahā phir dil-e-dīvāna khulā

jal ke marte haiñ pe iz.hār ke sho.aloñ meñ nahīñ

hādsoñ yuuñ bhī huā sham.a se parvāna khulā

hijr kī raat Dhalī sub.h ke sāġhar meñ magar

niiñd aa.ī na tirī diid kā mai-ḳhāna khulā

Leave a Comment