Yunus Ghazi
chup rahun kaise main barbad-e-jahan hone tak
raaz ko raaz hi rakhna hai baiyyan hone tak
kya ḳhabar thi tiri mahfil men ye halat hogi
tu uTha dega mujhe dard ayaan hone tak
ḳhush-nasibi ye miri hai ki vo ghar aa.e hain
sham.a tu saath nibha vaqt-e-azan hone tak
koi ḳhamosh sada duur bulati hai mujhe
kaash main zinda rahun dard bayan hone tak
ek sho.ala hai mohabbat use shabnam na kaho
zinda rahti hai ye bad-baḳht dhuan hone tak
tum bhi ‘ghazi’ kabhi fursat men ye socho to sahi
kyuun taḌapte ho har ik shab ke javan hone tak
Leave a Reply