Aatif Waheed Yasir
guftugu karne lage ret ke ambar ke saath
dosti ho gai akhir miri ashjar ke saath
ishq jaise kahin chhune se bhi lag jaata ho
kaun baithega bhala aap ke bimar ke saath
sahibo mujh ko abhi raqs nahin aata hai
jhuum leta huun faqat shaam ke asar ke saath
yaar kuchh bol mujhe kuchh to yaqin aa jaae
main tujhe dekhta huun dida-e-bedar ke saath
saf se nikla mira salar rajaz padhte hue
aur phir meri taraf chal pada aghyar ke saath
Leave a Reply