aaj maqtal ko sajaya ja raha hai
ḳhun-e-nahaq bhi bahaya ja raha hai
raqs karne ke liye kuchh laḌkiyon ko
baari baari hi bulaya ja raha hai
jis ne kalima paḌh liya tha aḳhiri dam
is ka lasha kyuun jalaya ja raha hai
us ke lahje men ra.unat to nahin hai
us ko nazron se giraya ja raha hai
ghar to ḳhali hai guzishta ek maah se
mere hathon se karaya ja raha hai
mann-o-salva se bahut aage hai ye
karbala langar jo khaya ja raha hai
do hain sha.ir sirf cigarette ek hai
baari baari kash laga ya ja raha hai
aap ka mujh se jo rishta hai use
kitni diqqat se nibhaya ja raha hai
Leave a Reply