Ab Aankh Bhi Mashshaq Hui Zer-O-Zabar Ki

ab aankh bhi mashshaq hui zer-o-zabar ki

ḳhvahish to tiri ghaat ki rah paai na ghar ki

rang apne jo the bhar bhi kahan paae kabhi ham

ham ne to sada radd-e-amal men hi basar ki

jab sirf tire gul men mira hissa nazar hai

phir soch hai kya dard ye taḳhir nazar ki

ye kuufe ki galiyan hain ki ye meri ragen bhi

har samt se chubhti hai ani mujh ko shimar ki

Leave a Comment