Zakia Ghazal
safar men ḳhaak hue karvan banate hue
zamin jalne lagi asman banate hue
koi bhi harf-e-dua ra.egan nahin jaata
main is yaqin pe pahunchi guman banate hue
tahaffuz-e-dar-o-divar kar-e-mushkil hai
jhulas gaya hai badan sa.eban banate hue
ajiib log the nafrat men pa.emal hue
mohabbaton ki zamin be-nishan banate hue
lahu-luhan jo raste hue mohabbat ke
ham asman pe chale kahkashan banate hue
ye kaun rauzan-e-zindan se jhankta hai ‘ghazal’
ye kaun qaid hua beḌiyan banate hue
Leave a Reply