Usko Jis Se KHun Ka Rishta Na Tha

us ko jis se ḳhuun kā rishta na thā

kaise ham kahte ki vo apnā na thā

tishna-lab the log dariyā ke qarīb

dasht meñ lekin koī pyāsā na thā

har-nafas ik karb hai dil meñ liye

aadmī itnā kabhī TuuTā na thā

dard kī ik bhiiḌ thī mere qarīb

zindagī meñ maiñ kabhī tanhā na thā

ret kī tahrīr thī merā vajūd

yaad rakhnā maiñ koī aisā na thā

Leave a Comment