varna kya ab-o-hava chiiz hai kaisa mausam
tere aane se hua shahr men achchha mausam
ye mah-o-mehr izafi hain tire sar ki qasam
vaqt batlati hain ankhen tiri chehra mausam
dhuup men chhanv kahin mauj men tufan kahin
jaisa ai dost tira muuD hai vaisa mausam
rang-o-bu rakhte hain sab phuul phal apni apni
chashm-o-abru se alag ariz-o-lab ka mausam
is qadar husn achanak mira dil toḌ na de
ek to pyara hai tu is pe ye pyara mausam
na vaba ke koi din raat na tanha.i ke saal
tere aate hi badal jaata hai saara mausam
Leave a Reply