aish maazi ke gina haal ka ta.ana de de
ghar palaTne ke liye koi bahana de de
main ne is shahr ko ik shaḳhs ka hamnam kiya
chahe ab jo bhi ise naam zamana de de
sang-zadon ko bhi ta.amir men shamil kar lo
is se pahle ki koi a.ina-ḳhana de de
us ka rumal bhi majburi tha hamdardi nahin
us ko ye Dar tha koi aur na shana de de
dil ke ujḌe hue jangal ko paḌa rahne do
ain mumkin hai parindon ko Thikana de de
Leave a Reply