Aankh Mein Aansu Nahin Shabnam Nahin Kuchh Gham Nahin

aañkh meñ aañsū nahīñ shabnam nahīñ kuchh ġham nahīñ

zaḳhm haiñ jin par koī marham nahīñ kuchh ġham nahīñ

dard vo de kar musalsal hālat-e-dil pūchhte haiñ

ye ināyat bhī to un kī kam nahīñ kuchh ġham nahīñ

raat kā pichhlā pahar hai aur ham ḳhāna-ba-dosh

koī dar-dīvār kā mātam nahīñ kuchh ġham nahīñ

har taraf haiñ ḳhuun se rañgīn kapḌe aur tan

ye hamāre shauq kā aalam nahīñ kuchh ġham nahīñ

sab Dare sahme hue se gum haiñ apne aap meñ

har koī shāmil hai is meñ ham nahīñ kuchh ġham nahīñ

Leave a Comment