Aankh Mein Aansu Nahin Shabnam Nahin Kuchh Gham Nahin

Poet

aankh men aansu nahin shabnam nahin kuchh gham nahin

zaḳhm hain jin par koi marham nahin kuchh gham nahin

dard vo de kar musalsal halat-e-dil puchhte hain

ye inayat bhi to un ki kam nahin kuchh gham nahin

raat ka pichhla pahar hai aur ham ḳhana-ba-dosh

koi dar-divar ka matam nahin kuchh gham nahin

har taraf hain ḳhuun se rangin kapḌe aur tan

ye hamare shauq ka aalam nahin kuchh gham nahin

sab Dare sahme hue se gum hain apne aap men

har koi shamil hai is men ham nahin kuchh gham nahin