Moin Shadab
us ko hamari zaat se inkar bhi nahin
lekin vo e’tiraf ko tayyar bhi nahin
roghan charagh-e-chashm men jitna tha jal chuka
aur shahr-e-jan men sub.h ke asar bhi nahin
be-kar DhunDhte ho sama.at men ḳhamiyan
pahli si ghungruon men vo jhankar bhi nahin
do-char pal qayam ka kuchh to javaz ho
kuche men us ke saya-e-divar bhi nahin
tujh ko suḳhan-shanas ba-har-hal chahiye
‘shadab’ tera koi taraf-dar bhi nahin
Leave a Reply