Poet
us ko barson ba.ad tanha jaane main kaisa laga
mujh ko to vo ajnabi ke saath bhi achchha laga
ek muddat se na dekha tha uTha kar us ka gham
us ka gham bhi gard men lipTa hua tohfa laga
thi likha.i bhi usi ki dastaḳhat bhi us ke the
kyuun ḳhat-e-tark-e-ta.alluq ghair ka likkha laga
sahilon par ban saka us se na kuchh rishta magar
us ne chhoḌa jab bhanvar men vo mujhe apna laga
main ki mere umr guzri inkisar-o-ijz men
kuchh mashinon ko ḳhata karta hua bachcha laga
Leave a Reply