Sultan Rashk
us ki janib dekhte the aur sab ḳhamosh the
us ki ankhen bolti thiin aur lab ḳhamosh the
yuun to dil vaale the mahfil thi magar aalam tha ye
us ka jaadu tha jo hairat ke sabab ḳhamosh the
chand ik nazdik se dekha tha jab samran men
ham bhi kuchh kahte par apne chashm-o-lab ḳhamosh the
ik sukut-e-marg taari tha chaman-zadon ke beach
mahv-e-ḳhvab-e-ḳhush-dili the misl-e-shab ḳhamosh the
sab ke chehron par likhi thiin ḳhvahishen ‘sultan-rashk’
yuun to lab-basta the saare ba-adab ḳhamosh the
Leave a Reply