meer-mehdi-majrooh

Mangen Na Hum Bahisht Na Ho Wan Agar Sharab

mangen na ham bahisht na ho vaan agar sharab

dozakh men Daal dijiye diije magar sharab

zahid ke bakht-e-bad ki hai khubi vagarna kyuun

chhode koi sharab ki ummid par sharab

tauba to ham ne ki hai par ab tak ye haal hai

paani bhar aae munh men dikha den agar sharab

goya sharab hi se bhara umr ka qadah

maut us ki khuub hai jo piye umr bhar sharab

samjha nahin ki jiite hain murde isi tarah

chhidke vagarna kyuun vo miri khaak par sharab

hai lutf-e-zist ye ki vo baitha ho ru-ba-ru

bikhre hon phuul idhar to dhari ho udhar sharab

be-khud kiya jahan ko tiri chashm-e-mast ne

thi kaisi is pyale men ai fitna-gar sharab

chashm-e-siyah mast nigah mast aap mast

piita hai dil-lagi ko but-e-ishva-gar sharab

tauba men ham na khaenge ilzam kya hua

ik-adh yaar pi gae gar bhuul kar sharab

More Poems

Leave a Comment