Poet
us ki ankhon pe maan tha hi nahin
ḳhvab the ḳhvab-dan tha hi nahin
main ta.aqub men chal paḌa jis ke
dhuul thi karvan tha hi nahin
do zamin-zad jis men rah sakte
is qadar asman tha hi nahin
gir paḌa huun to raste ne kaha
tera mujh par to dhyan tha hi nahin
ek ḳhvahish thi do dilon ke biich
aur kuchh darmiyan tha hi nahin
ham ne phulon se ḳhuub baten kiin
baagh men baghban tha hi nahin
us ne chaha ki jaana ja.un main
us se pahle jahan tha hi nahin
umr us men guzar di ‘mumtaz’
vo jo mera makan tha hi nahin
Leave a Reply