Pandit Daya Shankar Naseem Lakhnavi
yaar hai tu jis ko samjha ghair hai
ghair apna kaun apna ghair hai
ghair ka ahval sunte hain vo ḳhuub
is liye ahval mera ghair hai
hai tiri tegh-e-nigah men kya asar
vaar ho ham par to kaTta ghair hai
ghair samjha hai yahan tak ham ko yaar
bosa mangen ham to paata ghair hai
agle yaron men tumhare tha ‘nasim’
aaj samjhe ham ki agla ghair hai
Leave a Reply