afzal-khan

To Phir Wo Ishq Ye Naqd-O-Nazar Barae-Farokht

to phir vo ishq ye naqd-o-nazar barae-farokht

sukhan barae-hunar hai hunar barae-farokht

ayaan kiya hai tira raaz fi-sabilillah

khabar na thi ki hai ye bhi khabar barae-farokht

main qafile se bichhad kar bhala kahan jaun

sajae baitha huun zad-e-safar barae-farokht

parinde lad hi pade jaedad par akhir

shajar pe likkha hua hai shajar barae-farokht

main pahle kuufa gaya is ke baad misr gaya

idhar barae-shahadat udhar barae-farokht

zara ye dusra misraa durust farmaen

mire makan pe likkha hai ghar barae-farokht

More Poems

Leave a Comment