Shamim Ravish
palkon pe sitara sa machalne ke liye tha
vo shaḳhs in ankhon men pighalne ke liye tha
vo zulf havaon men bikharne ke liye thi
aur jism mira dhuup men jalne ke liye tha
jis roz tarashe ga.e ye zaḳhm usi roz
ik zaḳhm miri ruuh men palne ke liye tha
us ḳhvab ki ta.abir mujhe milti bhi kaise
vo ḳhvab to afsanon men Dhalne ke liye tha
jis raah ke patthar ko ‘ravish’ kos rahe the
vo raah ka patthar to sambhalne ke liye tha
Leave a Reply