baDe KHatre Mein Hai Husn-E-Gulistan Hum Na Kahte The

baḌe ḳhatre men hai husn-e-gulistan ham na kahte the

chaman tak aa ga.i divar-e-zindan ham na kahte the

bhare bazar men jins-e-vafa be-abru hogi

uThega e’tibar-e-ku-e-janan ham na kahte the

usi mahfil usi bazm-e-vafa ke goshe goshe men

luTegi masti-e-chashm-e-ghazalan, ham na kahte the

isi raste men aḳhir vo kaḌi manzil bhi aa.egi

jahan dam toḌ degi yad-e-yaran ham na kahte the

ḳhizan ki ahaTon par kanpti hain pattiyan gul ki

bikharne ko hai ab zulf-e-baharan ham na kahte the

dil-e-fitrat-shanas aḳhir kahin yunhi dhaḌakta hai

fareb-e-husn hai jashn-e-charaghan ham na kahte the