Sameena Gul
khinchta hai kaun aḳhir da.ere dar da.ere
da.ere hi da.ere hain da.eron par da.ere
paniyon ki kokh se bhi phuTta hai da.era
der tak phir ghumte rahte hain aksar da.ere
is kitab-e-zist ke bhi aḳhiri safhe talak
khinch Daale qaus ne bhi zindagi par da.ere
jaane kya kya ghumta hai gard ki aghosh men
jhankte hain asmanon se sarasar da.ere
da.eron ke beach men hai ek aur da.era
niv kalas ik markaza hai markaze par da.ere
aankh men bhi da.era hai da.ere men da.era
zindagani dekhti hai kya barabar da.ere
Leave a Reply