Poet
husn se kam nahin martaba ishq ka
vo bhi sho.ala-badan ham bhi atish-nava
ik tabassum ki auqat kya thi magar
aaj tak jhelta huun usi ki saza
pyaar ki ret par sarḳhushi ka mahal
sada-lauhi ki bhi ho ga.i intiha
the kabhi naghma-e-mahfil-e-gul-ruḳhan
aaj ham ho ga.e jangalon ki sada
laao mar ke bhi dekhen kisi raah men
shayad aa jaa.e yuun zindagi ki ada
koi anchal hi ‘nazim’ na tha baḳht men
varna aansu the mere gul-e-be-baha
Leave a Reply