Fuzail Jafri
guzar rahi hai magar ḳhase iztirab ke saath
ḳhayal bhi nazar aane lage hain ḳhvab ke saath
talash men huun kisi khurdure kinare ki
nibah ab nahin hota hubab-o-ab ke saath
shab-e-firaq hai ‘sidhdharth’ ki tarah gum-sum
havas bhi hue ruḳhsat tire hijab ke saath
ta.alluqat ka tanqid se hai yarana
kisi ka zikr kare kaun ehtisab ke saath
juḌi hui hai har ik shaḳhs ki ‘fuzail’ yahan
gharaz kisi na kisi sahab-e-nisab ke saath
Leave a Reply