dard Aur Gham Ke Mare Nikle Raat Safar Sahra Aur Main

Nadiya Ambar Lodhi

dard aur gham ke maare nikle raat safar sahra aur main

ek hi jang ke haare nikle raat safar sahra aur main

dukh ki chadar taan ke ham ne hijr ki raat guzari thi

aansu jugnu taare nikle raat safar sahra aur main

gharq hue phir mauj-e-fana men ik ik kar ke sab ke sab

dekho faani saare nikle raat safar sahra aur main

ham ne jis ki buniyadon men saans ka siisa daala tha

mitti ret aur gaare nikle raat safar sahra aur main

main ne socha tha ki ye ‘amabar’ qismat meri badal denge

mujh se bichhad ke ye saare nikle raat safar sahra aur main