gaanv ki aankh se basti ki nazar se dekha
ek hi rang hai duniya ko jidhar se dekha
ham se ai husn ada kab tira haq ho paaya
aankh bhar tujh ko buzurgon ke na Dar se dekha
apni banhon ki tarah mujh ko lagin sab shaḳhen
chand uljha hua jis raat shajar se dekha
ham kisi jang men shamil na hue bas ham ne
har tamashe ko faqat rahguzar se dekha
har chamakte hue manzar se rahe ham naraz
saare chehron ko sada dida-e-tar se dekha
phuul se bachchon ke shanon pe the bhari baste
ham ne schōl ko dushman ki nazar se dekha
Leave a Reply