Charkh Chinioti
gungunati hui avaz kahan se la.un
teri avaz ka andaz kahan se la.un
tere altaf se raqsan hain labon par ḳhushiyan
gham men Duubi hui avaz kahan se la.un
hal-e-dil phuul se chehron ko sunane ke liye
main lab-e-zamzama-parvaz kahan se la.un
mujh se hans hans ke tiri mashq-e-sitam hoti hai
tujh sa monis but-e-tannaz kahan se la.un
shomi-e-baḳht hai ye ‘charḳh’ ki vo kahte hain
main masiha.i ka andaz kahan se la.un
Leave a Reply