Shafiq Saleemi
vo jin ki chhanv men pale baḌe hue
idhar udhar paḌe hain sab kaTe hue
hazimaton ke karb ki alamaten
charagh taaq taaq hain bujhe hue
tamam tiir dushmanon se ja mile
kaman-dar kya karen DaTe hue
visal-rut men hijr ki hikayaten
udaas kar ga.i hain dil khule hue
gharon ki raunaqen vahi jo thiin kabhi
magar bhula diye ga.e ga.e hue
tani tani si gardanen jhuki hui
dua ko haath hain sabhi uThe hue
Leave a Reply