bujh gaya dil hayat baaqi hai
chhup gaya chand raat baaqi hai
hal-e-dil un se kah chuke sau baar
ab bhi kahne ki baat baaqi hai
ai khusha khatam-e-ijtinab magar
mahshar-e-iltifat baaqi hai
ishq men ham samajh chuke sab se
ek zalim hayat baaqi hai
nasehan-e-karam ke dam se
shorish-e-kaenat baaqi hai
raat baaqi thi jab vo bichhde the
kat gai umr raat baaqi hai
rahmat-e-be-panah ke sadqe
e’timad-e-najat baaqi hai
na vo dil hai na vo shabab ‘khumar’
kis liye ab hayat baaqi hai
Leave a Reply