Poet
har tamasha chand lamhon men purana ho gaya
rafta rafta band phir ik ik daricha ho gaya
jaane kis janib se suraj ki kiran mujh par paḌi
mera saaya mere qamat se bhi uncha ho gaya
agahi aur ashiqi divangi aur mai-kashi
tajraba ba.is barson men bahut sa ho gaya
ye saza-e-shauq hai ya qimat-e-ḳhud-agahi
dil hua pur-nur to be-nur chehra ho gaya
sher ka fan bhi ‘munavvar’ apne kaam aaya nahin
ham hue fankar to ye fan hi rusva ho gaya
Leave a Reply