main sun raha huun jo duniya suna rahi hai mujhe
hansi to apni khamoshi pe aa rahi hai mujhe
mire vajud ki mitti men zar nahin koi
ye ik charagh ki lau jagmaga rahi hai mujhe
ye kaise khvab ki khvahish men ghar se nikla huun
ki din men chalte hue niind aa rahi hai mujhe
koi sahara mujhe kab sambhal sakta hai
miri zamin agar dagmaga rahi hai mujhe
main is jahan men khush huun magar koi avaz
nae jahan ki janib bula rahi hai mujhe
Leave a Reply