Ham-Safari

do sadiyāñ kaise baat kareñ

sakhiyāñ ban jaa.eñ

saath chaleñ

ākāsh se phailī dhartī tak

shīshe kī ik dīvār khiñchī

kyā ramz hai kaisā lahja hai

kyā ḳhabreñ haiñ kyā qissa hai

ab haath hilā.eñ muskā.eñ

sargoshī ho yā chillā.īñ

ab sar Takrā.eñ phūloñ kī sauġhāt liye

kyā baat bane

do sadiyāñ kaise baat kareñ

inkār sarāsar nā-mumkin

iqrār mukammal be-ma.anī

ab sāt-samundar shīshe kī dīvār se lag kar

jhāñk rahā hai

ghuur rahā hai

jhuñjhlāhaT kā ghaTtā baḌhtā pāgal-pan

Leave a Comment