vo kabhi ma.il-e-vafa na hua
mera chaha hua bura na hua
mar ga.e vasl-e-dil-ruba na hua
mudda.a hasb-e-mudda.a na hua
us se mazmun bandha na choTi ka
zulf-e-janan pe jo fida na hua
qaid-e-marqad mili pas-e-murdan
jaan de kar bhi men riha na hua
tu ne yarab zaban to di mujh ko
shukr tera magar ada na hua
dam nikalta buton pe kya lekin
ye bhi ik maut ka bahana hua
faiz-e-‘ishrat’ se ab tu ai ‘nadir’
men bhi ik sha.er-e-yagana hua
Leave a Reply