rishta-e-dam se jaan hai tan men
manke manke se tere simran men
dida-e-dil se dekhta huun tujhe
sochta huun jab apne main man men
gul hai shabnam se aah dida-e-tar
bin vo gul-ru ke subh-e-gulshan men
karbala ke bagule saare kaash
khaak udata hua phirun ban men
gauhar-e-ab-dar ke manind
ashk ghaltan hain mere daman men
sarv-e-gulzar sa suhata hai
vo mira yaar ghar ke angan men
apni surat ko ai shahansha-e-husn
‘ishq’ ke dekh dil ke darpan men
Leave a Reply