ghabra gae hain vaqt ki tanhaiyon se ham
ukta chuke hain apni hi parchhaiyon se ham
saaya mere vajud ki had se guzar gaya
ab ajnabi hain aap shanasaiyon se ham
ye soch kar hi khud se mukhatib rahe sada
kya guftugu karenge tamashaiyon se ham
ab denge kya kisi ko ye jhonke bahar ke
mangenge dil ke zakhm bhi purvaiyon se ham
‘zarrin’ kya baharon ko mud mud ke dekhiye
manus the khizan ki dil-asaiyon se ham
Leave a Reply