mujhe ḳhushi hai miri us se rasm-o-rah nahin
vo shaḳhs dil se kisi ka bhi ḳhair-ḳhvah nahin
sabhi ḳhamosh hain aapas ki dushmani men yahan
kisi ki be-gunahi ka koi gavah nahin
vo mansabon ki hava men hai kisi tarah samjhe
ghulam shahr men koi bhi kaj-kulah nahin
ham apne shauq diyon ki salamti chahen
kisi ke anjum-o-mahtab par nigah nahin
ana ke mol na taḳht-e-shahi bhi le aa.en
vagarna kis ko tamanna-e-nam-o-jah nahin
Leave a Reply