Wasl Ki Raat Ajab Hijr Manata Hua Main

vasl kī raat ajab hijr manātā huā maiñ

mujh meñ aatā huā tū tujh ko bhagātā huā maiñ

ek tasvīr meñ aa baiThe haiñ donoñ pahlū

mujh se rūThā huā tū tujh ko manātā huā maiñ

jaane kis samt bahā le gayā mujh ko paanī

tū ne dekhā hī nahīñ chīḳhtā gaatā huā maiñ

roz aa jaatā huuñ sahrāoñ se ghar kī jānib

kuchh parindoñ ko sar-e-shām uḌātā huā maiñ

Leave a Comment