duniya se hue baiThe ho ru-posh ai jaana
jalva bhi sar-e-am hai pur-josh ai jaana
din dasht men achchhe se guzar jaata hai aksar
jab aata hai yaad alam-e-aghosh ai jaana
ye log shab-e-hijr bilakhte the jo behad
mahshar se guzar aa.e hai ḳhamosh ai jaana
kal raat to tum bhi the hamen yaad ba-tartib
aaj uTThe hain ḳhud se hi faramosh ai jaana
chhilte the badan jin ke havaon se vahi gul
bulbul ke hain sab qatl pe ḳhamosh ai jaana
kanTon se bhare hain dar-o-divar-o-dariche
itne ki saba bhi hai lahu-posh ai jaana
Leave a Reply