Imran Rahib
shaal chhoTi hi sahi rakh lo baḌi Thiik nahin
tum pe nikhregi bahut ghar men paḌi Thiik nahin
main ne puchha hai ki chaa.e ke liye vaqt koi
hans ke boli hai ishare se ghaḌi Thiik nahin
ik tamasha hai vo meri hai nahin meri hai
ye jo khiḌki men hai doshiza khaḌi Thiik nahin
is mohalle men agar saanp Dase behtar hai
log kahte hain yahan aankh laḌi Thiik nahin
jab bhi maktab men mujhe maar paḌe vo bole
ab to resham ho ye shisham ki chhaḌi Thiik nahin
aisi barish ho to ‘rahib’ mujhe Dar lagta hai
vo bhi barish men ye kahti thi jhaḌi Thiik nahin
Leave a Reply