Sufi
khuli ankhon men dar aane se pahle
nazar aao nazar aane se pahle
nahin tha mujh ko zoam-e-parsai
koi ilzam sar aane se pahle
hamen dar-pesh thi naql-e-makani
tira hukm-e-safar aane se pahle
gale milti hai mujh se be-ghari bhi
gali men roz ghar aane se pahle
hua karte hain raste bhi rukavat
guzar ja rahguzar aane se pahle
nazar-andaz kar deti thi ankhen
mujhe tujh sa nazar aane se pahle
bahut asan tha kar-e-hunar bhi
mire hathon hunar aane se pahle
kabhi to bar-var ho jaae ‘ahmad’
dua bab-e-asar aane se pahle
Leave a Reply