Mohammad Aazam
vahi madar-e-tamanna vahi sitara-e-dil
fareb-ḳhurda-e-mazi-o-hal-o-mustaqbil
tilism-ḳhana-e-hasrat men gardishen kab tak
vo ism de ki ho aseb-e-justuju batil
dil-e-kushada men mere ho anjuman-ara
adu ba-rang-e-kudurat jahan na ho daḳhil
hazar sho.ala lapakti hai aarzu ab bhi
mire lahu se charaghan hai kucha-e-qatil
rah-e-vafa ke musafir ki bebasi mat puchh
hamen uTha.e hue chal rahi hai ḳhud manzil
ḳhushi ki baat bhi ab sogvar karti hai
vo mehrban bhi ab ho to is se kya hasil
zamin pe dil ki lahu ke daraḳht hain goya
ye sher hote nahin asman se nazil
Leave a Reply